اسد بابل ….
كان ياماكن في قديم الزمان … اسد حجري .لا يهش ولا ينش واكف ابراس شارع الوطن في مدينة البصرة . متربع هذا الاسد سنين صار اله سنين وسنين …من فكيت عيني على الدنيا بالبصرة وانا اشوفه كبالي… من امر ابشارع الوطن …حتى وقت قريب .
من دخلت للمدرسة عرفت من هذا الاسد وعرفت ليش هو هنا ..وليش العراقيين يعتزون بيه ؟؟ وليش ياخذونه وياهم يون ما راحوا …
حبيت هذا الاسد لانه يذكرني باصلي وناسي وشعبي ووطني ..وشكد العراقي بطل وحفر الصخروبطح غيره ..وداس على صدر عدوانه …
قبل كم يوم …اجا ولد صديقي وكال ..سمعت اخر خبر؟؟ كلت : لا؟
كال : اسد بابل فجروه ؟؟
كلت : جذاب ؟؟؟ جاي تنصب عليه ؟
كال: والله فجروه …وتعال هاك هاي الصورة شوفها ؟؟ سووه طشار ؟؟
كلت : ليش؟
كال : انا اكول الك ليش ، طبعا كلنا عبالنا هذا الاسد ، هو اسد بريئ ؟
كلت : طبعا …حجر …شنو يكدر يسوي ؟
كال : لا …حبي
